متوكل طه: يكتب لابد من تمجيد القوات المسلحة والوقوف من خلفها في معركة الكرامة حتي النصر
كتب : متوكل طه محمد احمد
قصيدة جديدة اشترك في نظمها الشاعر الفاتح ابراهيم بشير وصديقه محمدسفله ولحنها وتغنى بها الفنان جعفر السقيد
ولقدعرفت جميع الشعوب الأغنية الوطنية إبان نضالاتها ضد الاستعمار، حيث كانت ولا تزال الأغنية الوطنية باعثة ومحفزة لحب الوطن وبذل الغالي والنفيس والتضحيات الجسام من أجله؛
وتجئ هذه الأغنية الوطنية من شعراء منحنى النيل من أجل حض وتحريض الجيش على الدفاع عن أرضنا وصون تراب الوطن وحماية مكتسباته ونبحر في سماء هذه القصيدة والتى تقول
تاني لينا الكاكي جلباب
وتبقي عمة راسنا هي الكاب
البيوت دون باب مابتقيف
والشرف يحموهو بالسيف
الجبان في حاره آبيقيف
والبيابه الجيش مو نضيف
ولعل هذه القصيدة تاتى ردا علي الذين قالوها معليش معليش ماعندنا جيش
والقصيدة كلها تمجيد للجبش
ده الرضع من صدر الوطن
الثبات قبال اللبن
عهدو يبقي وطن محصن
يايموت والكاكي الكفن
ويبحر شعراء هذه الابيات وهم شهود عصر على احداث الحرب التى بدأت شرارتها من ارض الابطال مروى
المليشيا تهاب الشمال
وفيهو عارفه آبتدخل محال
فيهو قاده ضكاره ورجال
وصح جنودو اسود الجبال
ولم ينسى هؤلاء الشعراء قادات وجنود مروى البواسل الذين صمدواوهم يتصدون للمليشيا
وداير اخص في مروي قادات
حيرو البركل في الثبات
علمونا الواحد ان مات
في سبيلنا بيفدي بالذات
ونبحر في ابيات هذه القصيدة التى تدعو لوحدة القبائل والنسيج الوطنى
وحدونا قبايل شعوب
وخاوو بينا زنوج وعروووب
صح زمان كان شوفنا مقلوب
وهسه لابسين جمله فد توب
اليقين نضاف الظنون
والملان ايمان مابيخون
الرمش حراااس العيون
والبلد غير جيش مابتكون
حاميه اولاده منقيييين
صفوه في الوطنيه والدين
من جهه وحزب مبرئييين
لي وطن وااااحد منتمين
ويحكى عن معركة مطار مروى وهروب الجنجويد
في المطار تاريخ اتكتب
لي الزمان بي موية الدهب
الغشيم وروهو العجب
لما من قدامن هرب
وحيا فى ثنايا القصيدة مجاهدات الجيش وصموده
: وحدو الجيش الكان صمد
وبالنفس والروح ماجحد
دقه صدرو اب قلبا اسد
وشال براهو تقيلة البلد
فوق ضفاف نيلنا غرب شرق
نسمه فايحه مباري العرق
ديمه في افراحنا جرتق
وفي حوانا امينه ومرق
وحتى الاحزاب لم تسلم من لسان الشعراء وقالوا عن هروب احزاب الحرية والتغيير
كلها الاحزاب عردت
وفي فظايعنا اتفرجت
مافي واحد فيهم ثبت
او سال في الحاله البقت
ويوصى الشعراء الشعب بالوقوف دعما وسندا للجيش
اليزكر الجيش بي كعب
يبقي خاين وما مادب
ويبقي واجبنا نضايرو تب
ومن غنمنا نزيلو الجرب
ونحنا تاني قبيله وحزب
في سلام اوكان في حرب
داب وعينا عرفنا الدرب
وغيرو جيشنا ولاب نجرب
$$$$$$$$$$$$$$$
وحدو الجيش الكان صمد
وبالنفس والروح ماجحد
دقه صدرو اب قلبا اسد
وشال براهو تقيلة البلد
$$$$$$$$$$$
يوم ضهرنا عديل انكشف
وبان عدونا عيان واتعرف
مين بلا جيشنا ركز وقف
ومين حمانا وبقه هو الهدف
$$$$$$$$$$$$$$$
واليخش بيناتنا كضاب
ماحايحصد غير السراب
تاني لينا الكاكي جلباب
وتبقي عمة راسنا هي الكاب
